JOSE RAMON ANDA
“Zeharki”
Jose Ramon Anda Goikoetxea (Bakaikoa, 1949).
Madrileko Escuela de Bellas Artes de San Fernando eskolan egin
zituen ikasketak. Euskal Herriko Unibertsitateko Arte Ederren
fakultatean dihardu irakasle.
Argazkiak hormigoiz egindako monumentu-estatua bat
jasotzen du. 8 metroko garaiera eta ebakidura eliptikoa dituzten hiru
monolitok eratzen dute, egoki bihurtuak eta okertuak, eta espazio
“hutsak” uzten dituztenak tarteetan. “Zeharki” izenak hutsune horiekin
dauka zerikusia.
Eskultura honek toki horretan bertan zegoen beste
monumentu bat ordezkatu zuen. Aurreko monumentu hura Ondarretako
kartzela zaharrak utzitako orubean eraiki zen eta gerra zibilean lerro
frankistetan hildako soldadu donostiarrei eskaini zitzaien.
Argazkia:
JAS, 2005
Tokia: Ondarretako
lorategiak. Donostia
|