ERLIJIOA

 
GureGipuzkoa.net | pulse aquí para ampliar la imagen © CC BY-SA: Elósegui Irazusta, Jesús

Eukaristia-batzarra, 1945

1945eko urrian “eukaristia-batzarra" egin zuten Irunen. Hilaren 14an itxi zuten, eta egun horretan ateratakoa da argazkia. Egun hartan, hainbat ekitaldi egin zituzten, hala nola, komunio-meza, non Errenteriako Roberto Aguirre parrokoak sermoia bota zien fededunei. Goizeko 10:00etan elizbarrutiko gotzainak (Carmelo Ballester monsinoreak) pontifize-meza eman zuen Santanderko apezpikuak (José Eguino monsinoreak) lagunduta, eta tokiko eta probintziako autoritate ugari bertaratu ziren.

Arratsaldean, prozesio batek desfilatu zuen eta “Guztiz Santuak” palio azpian egin zuen ibilbidea, Gal estadioan amaitzeko; bertan, aldare izugarria instalatu zuten, kustodia erakusteko. Momentu hura erakusten digu argazkiak.