Ibilbidean Pasai Donibaneko monumentuak ezagutzeko geldialdirik
aurreikusta ez badago ere, eskaini egiten dira horretarako aukera izanda
ere. Santa Isabel gotorleku aldera zoazela topatuko dituzu.
|
PASAIA** (Pasajes). Erabat lotuta dago Oiartzun
ibaiak bere bokalean eratzen duen itsasadarreko portuarekin. Herri
mugakideek ika-mika ugari izan zituzten portuarekin. Arazo horiek, neurri
batean behintzat, Pasaiako udalerria sortzearekin batera konpondu ziren,
1805. urtean. Izan ere, erabaki horrek udalerri bakar batean bildu zituen
portuaren bi alboetan zeuden hasierako bi populazio-guneak.
|
|
|
Kokapena. Izaera propioa duten lau barrutik
eratzen dute: Pasai Donibane, portuaren sortaldean; Pasai San
Pedro, sartaldean; Pasai Antxo, hegoaldean eta Trintxerpe,
San Pedroren mendebaldean. Lehen biek tradiziozko hiri-egiturari eusten
diote, eta bisita bat merezi dute horregatik
|
Pasai Antxoko eta Trintxerpeko kale batzuetan, bitxikeria bat ematen da:
espaloi bat Pasaiari dagokio eta bestea, berriz, Donostiari.
|
|
Izena. Pasaia euskal izena (izen ofizial
bakarra), seguruenik, gaskoitik hartutako mailegua da: passadye edo
passadje. Gaztelaniaz erabiltzen den izena (Pasajes), berriz,
pasaje hitzetik dator. Seguruenik, bere esanahi deskriptiboa hartu du
(alde batetik bestera pasatzeko tokia) eta ez hitzaren bigarren adieraren
esanahia (leku batetik bestera pasatzeko ordaindu behar den zerga).
|
Gaskoia eskualde honetako biztanleek XII.-XVI. mendeetan hitz egiten zuten
hizkuntza da, euskararekin eta gaztelaniarekin lehiatzen zuena
|
|
Biztanleak. 18.000
inguru pasaitar, lau barrutietan sakabanatuak. Jentilizio
desberdinak hartzen dituzte: sanjuandarrak, sanpedrotarrak,
antxotarrak eta trintxerpetarrak.
Festak. Barruti bakoitzak bere jaiak ditu. Ezagunenak Pasai
Antxokoak izango dira, seguru aski. San Ferminen omenez ospatzen dira
(uztailaren 7an) eta, Iruñan bezala, zezenaren inguruan antolatzen da
festa: entzierroak, bolaztatuak, korridak eta abar. |
Udalerri honetako bizimoduan, itsasoak eragin handia du. San Pedron,
Donibanen eta Trintxerpen (non jatorri galegoa eta portugaldarra duten
herritar asko baitago) arrantza da jarduerarik nagusiena. Antxon, berriz,
eragin handiagoa dauka merkataritza-portuak.
|
Saia zaitez autoa aparkatzen garai batean Pasaiako portzelana-lantegi
ospetsuarena izan zen tximinia adreilu gorriz egindakoaren inguruan.
Debekaturik dago aurrerago jarraitzea autoarekin.
|
Pasai Donibaneko kaleak***. Gozamen handia dira
ibiltariarentzat. Behin eta berriro topatzen dira ezusteko txokoak.
Badirudi denbora izkina batean ezkutatu dela eta jolasean dabilela
bisitariarekin. Ez dago aukera handirik erdigunean paseatzeko. Kale bakar
batek bereizten eta, aldi berean, elkartzen ditu bi alboetara dauden
etxe-ilarak. Batzuk itsaso aldera zabaltzen dira; besteak, berriz, mendian
gora igotzen dira. Sarritan, itsasoan amaitzen diren kale estu
perpendikularrak aurkituko ditugu, baita mendi aldera egiten duten
eskailera-mordo bat ere.
|
Etxe zaharren azpian dauden hainbat pasabide tipiko zeharkatuko ditugu.
|
|
San Juan Bautistaren
parroki-eliza*. Hareazko harlanduz egina dago, eta gurutze
latindarreko oinplanoa dauka. Migel de Beldiarrainek eta Simon de Pedrosak
zuzendu zituzten eraikuntza-lanak. 1643. urtean zabaldu zen. Aurrealdea
soila da, ate nagusia da aipagarriena, ateburu zuzena duena. Haren
gainean, frontoi batek erremataturiko horma-hobi bat dago, barrualdean
Juan de Lanek egindako San Juan Bautistaren irudia duena (1731). Eliza
barruan, Santa Faustinaren gorputz usteldu gabea eta Felipe
Arizmendik egindako erretaula barrokoa aurki daitezke.
|
Eraikina mendiaren kontra egina dago, eta euste-hormetan harrizko buru bat
ikus daiteke, “Mascarón de Iriberri” izenez ezagutzen dena. Saia
zaitez aurkitzen.
|
Eraikina pixka bat hondoratua dago kalearekin alderatuta. Errepara iezaiozu
familiaren armarriari.
|
Arizabaloko jauregia (XVIII. mendea). San Joan elizaren aurrean
dago. 1992an, Pasaiako Udalak erosi egin zuen, berritze-lan batzuen
ondoren, eraikin administratibo bihurtzeko asmotan. Oinplano karratua, lau
solairu eta harrian landutako armarria dauzka. XVI.-XIX. mendeetan zehar
eragin handia zuen familia batena izan zen. Senide gehienek milizian
jardun zuten, baina, XIX. mendean, Juan Bautista de Arizabalo Buenos
Aireseko Ikastetxe Nazionaleko kimika-katedraren fundatzailea eta lehen
irakaslea izan zen. |
|
|
Miranda etxea
(argazkian) eta Victor Hugoren etxea interes handiko eraikinak
dira. Bigarrenak izen hori hartu du 1843. urtean han bizi izan zelako
frantses idazle ospetsua. Hau idatzi zuen Pasaiari buruz: … Cet endroit
magnifique et charmant comme tout ce qui a le double caractère de la joie
et de la grandeur … cet humble coin de terre et d´eau qui serait admiré
s´il était en Siusse et célèbre s´il était en Italie, et qui est inconnu
parce qu´il est en Guipuzcoa … |
Victor
Hugoren etxeak antzinako jantzien lagin txiki bat, erakusketa-aretoa eta
Turismo-bulegoa dauzka. Turismo-bulegora pasabideetako baten barrutik sartu
behar da.
Tel.: 943 34 15 56. |
Santa
Ana baseliza (XVIII. mendekoa). Donibane gainean dago.
|
Pasaiako udaletxea
Donibanen dago, hau baita herrian eraiki zen lehen gunea eta betidaniko
hiriburua. Udaletxea horma bitartean egindako eraikina da. Aurrealdea,
harlanduz egina, herriko plazari begira dago, eta plaza aldi berean
portuari begira. Lau solairu ditu, baoak balkoien bidez babestuak
dituztenak; bigarren solairuko baoek balkoi luzea dute. Azken solairuan,
herriaren armarria nabarmentzen da. |
|
Itxita egoten da, normalean. Ez ahaztu portu aldera ematen duen alboko
fatxada ikustea. Basilika bisitatu ondoren, buelta eman eta bide bera egin
kontrako norabidean. Aurrera jarraitzen baduzu, Santa Isabel gazteluko
aztarnetara iritsiko zara (jabeko pribatua da).
|
Bonantzako Kristo
Sainduaren basilika* XVIII. mendean egin zen barroko estiloko eraikina
da. XIV. mendeko etxe batek utzitako orubean eraiki zen, eliztarrek
emandako emariei eta limosnei esker. Nabe bat eta bi koru mailakatu ditu.
Barrualdean, Kristo baten irudia ikus daiteke, errenazimentu garaikoa.
Sarrera ere aipagarria da, herriaren kale nagusiaren parez pare dagoena.
Kanpai-dorre txiki bat dauka izkina batean |
|
Portuko ubidea zeharkatzeko, har ezazu Pasai San Pedrorantz doan txalupa.
3 minututan egina izango duzu bidaia. Haurrentzat esperientzia
gogoangarria izaten da. Txalupan, jar zaitez aterperik gabeko aldean
|
San Pedro. Txalupak
atrakatzen duen moilan, dorre bat egon zen XIX. mendearen erdialdera arte,
Donostiako ordezkariaren egoitza zena (San Pedro Donostiaren menpean
baitzegoen). Txalupatik jaistean, har ezazu San Pedro kalea (hau izan zen
herriko kale bakarra, kaia eraiki zen arte etxe tipikoen aurrean). Kale
honek ere badu bere xarma, nahiz ez den Donibanekoa bezain harrigarria.
Kalearen 32. zenbakian, Blas de Lezo itsasgizon ospetsuaren jaiotetxea
(XVIII. mendekoa) aurkituko duzu |
XIX. mendera arte, batel-zerbitzu famatu bat egon zen. |
San Pedroko ibilbidea San Pedro eliza dagoen plazan amaitzen da. Sar
zaitez elizan. Handik irtetean, atzera egin eta moilara itzuli berriro.
Har ezazu txalupa Donibanera bueltatzeko. Hara iristean, autoa aparkatu
duzun tokira joan.
|
San
Pedro eliza*. Parrokia honen eraikuntzan, ingeniari militar eta
arkitekto askok hartu zuten parte: Juan de Subreville (1732), Jose de
Lizardi eta Felipe Cramer (1734), Francisco de Ibero (1759 eta 1762) eta
Martin de Carrera (1763). Oinplano karratukoa da. Garaiera bereko hiru
nabe, abside poligonal bat eta bi sakristia dauzka alboetan. Estalkia
horma perimetralen eta lau zutabeen gainean egina dago. Sarrera nagusiak
zutabe handiek eusten dioten erdi-puntuko arkua dauka, frontoi lerronahasi
batek errematatua. Haren gainean, medailoi obalatu bat dago, barrualdean
aita santuaren tiara eta giltzak dituena. Arkuaren barruan, horma-hobi bat
dago, San Pedroren irudia duena barrualdean. |
Alboko fatxadetako bat itsasoak bainatzen zuen antzina.
|
|
Astia izanez gero…
|
|
Ontziola.
Donibane, 33.
Tel.: 943 49 45 21
|
Ontziola. Ontzi tradizionalak egiteko tokia eta
Ikerketa-zentroa da. Bertan, ikus daiteke nola egiten dituzten antzinako
ontzien erreplikak, artisautza-metodoak erabiliz
|
|
|
Otorduak:
Casa Camara. (Donibane, 79) Jatetxe ospetsua da oso, arrainetan eta itsaskietan
espezializatua. Tel.: 943 52 36 99 |
|