Lord John Hay gotorlekutik oinez joan behar da aparkalekuraino eta
hortik aurrera jarraitu behar da, GI 3440 errepidera iritsi arte (kurba
itxi batera irteten da). Hortik aurrera zure ezkerraldetik (kontuz)
jarraitu ezazu. Laster, zure eskuinaldean, lehen dorrea ikusiko duzu
muino batean. Dorrera iristeko, merendero batera iritsi beharko zara;
180 m aurrerago, bide bat hasten da, eta hortik bidexka aldapatsu bat
irteten da.
|
JAIZKIBELGO DORREAK
Azkeneko Gerra Karlistan (1872-1876) eraiki zituzten. Irun tropa
karlisten ekintza militarrez mehatxatua izan bezain laster, Irungo
Udalak Gobernuari eskatu zion defentsarako zenbait elementu eraikitzeko.
Hala, 1873ko apirilaren 8ko Aginduaren bitartez, Irungo defentsa lanak
gauzatzeko baimena eman zen, Ingeniari militarren Gorpuaren instrukzioen
arabera burutzeko baldintzarekin.
Jaizkibel mendikateko gailurraren lerroan edo inguruetan bost dorre
eraiki ziren. Horietatik, hegoaldera begiratu eta Irun-Donostia
korridore osoa ikus daiteke; iparraldera begiratuz gero, berriz,
Jaizkibelgo maldak itsasora bidean. I-V zenbakiez izendatuko ditugu,
mendebaldetik ekialdera. Bost dorreetatik hiru (I-III) Lord John Hay eta
San Enrique gotorlekuen artean kokatuta daude eta bi (IV eta V) San
Enrique eta Guadalupe gotorlekuen artean. Izen propioa azken hirurek
bakarrik dute: Xangaxi, Santa Barbara eta Guadalupe.
Plano de las torres Jaizkibel I II y III
|
Irun inguruan, beste gotorleku batzuez gain, 15 dorre eraiki ziren.
horietatik hamabi bi lerrotan batu daitezke: Irungo dorreak (zazpi
guztira) eta Jaizkibel mendiko dorreak (bost). Horiei gehitu beharko
litzaizkieke Arkale, Gaintxurizketa eta San Martzial dorreak.
I Dorrea
|
II Dorrea
II eta II dorreetara iristeko, jarraitu gailur lerroaren bidexka.
Dorre bakoitzaren gaur egungo egoera desberdina da. Mendebaldekoak (I)
bere perimetro osoa kontserbatzen du, zabaltzako parapetoaren gune
batzuk izan ezik; gainera, inposta duen dorre bakarra da, lehen
solairuaren zorua non dagoen antzeman daiteke. II. dorrea hoberen
kontserbatua dagoena da. Ekialdekoaren (III) perimetroko sektore bakar
bat ere ez da zabaltzaren altuerara iristen.
I. dorretik II. dorrera 1.270 m daude eta II. dorretik III. dorrera
1.185 m.
III. dorrean zaudela, jarrai ezazu bidexkatik Jaizkibelgo tontorraren
bila (San Enrique), non izen bereko gotorlekua dagoen. Antenen barruti
itxiaren eta isurialde handiaren artetik pasa beharko duzu Donostia-Irun
korridorerantz. Arreta handia jarri seinale gorri eta zuriak ez galtzeko.
|
Bost dorreetatik lauk oin planta hexagonala dute, 3,3-3,5 m-ko alboekin;
aldiz, Guadalupekoak (V) karratua du. Dorre guztiek bi solairu eta
zabaltza zituzten, baina kanpoko hormak baino ez dira kontserbatzen.
Hormak, batik bat hareharrizko harlanduz edo/eta harlangaitzez
eraikitakoak dira.
Los torreones occidentales (I a III)
Dorreen zimendua zapata (15) batez osatua dago, dorrearen horma baino
pixka bat zabalagoa den zapata batek hain zuzen. Zapata gune batzuetan
gehiago irteten da lurretik gora beste gune batzuetan baino, zorua
irregularra baita. (Parentesi arteko zenbakia plano erantsiari dagokio).
Dorreen inguruan, lurrak uzten zuen guneetan, lubaki txiki bat (15)
induskatu zen, luzeran eta sakoneran metro 1 pasatxoa zuena. Lubakiaren
eskarpa zapataz osatua zegoen eta kontraeskarpa harlangaitzezko
estaldura (18) batez. Gaur egun, aipatutako lubakia ez da ikusten.
Behe solairuaren (1) alde bakoitzean laukizuzen formako zulo txiki bat
dago, gezileiho moduan baino gehiago aireztapenerako eta behaketarako
erabiltzen zena. 1876. urteko planoetan, argi eta garbi ikus daitezke
hiru gezileiho (8) alde bakoitzean (18 guztira); baina dirudienez,
azkenean ez ziren egin. Solairu honetan, sukaldea, sutondo batekin (13),
eta kea biltzeko kanpaia instalatu ziren (12). Kanpaiak tximinia zuen,
zabaltzaraino igotzen zena (17), eta tximiniaren zenbait zati harrian
eginda zeuden. Planoetan, planta zirkularreko uraska (19) bat ere
agertzen da.
Bigarren solairuko horman, hiru gezileiho zeuden alde bakoitzean,
sarrerakoan (22) izan ezik. Bigarren solairura sartzeko, kontraeskarpa
gainean jarritako esku eskailera (14) bat zegoen.
Zabaltza inguratzen zuen gezileihodun (5) parapetoa (6) fatxada baino
pixka bat aurrerago zegoen; poligonoaren alde bakoitzean zeuden hiru
harburuk eta kantoi bakoitzean zegoen harburu banak sostengatzen zuten (guztira
24). Harburutik harbururako tartean ia zirkularra zen zulo bat (20)
zegoen, euri urak husteko erabiltzen zena; beharbada, zutikako gezileiho
(matakan) bezala ere erabiliko zuten, dorretik gertuen zegoen gunea
defendatzeko. Zabaltzaren zorua, estalki lana egiten duena, zementuz
estalita egon zen.
Solairuen artean ibiltzeko, esku eskailerak (10 eta 11) eta gapirioen
arteko tranpa oholak zeuden.
III Dorrea. Sarrera zegoeneko aldea (gaizkien kontserbatua dagoena). |
II Dorrea
III
DorreaI
Erantsitako kartografia garaiko
dokumentazioari dagokio eta hiru dorreentzat berdina da. Hala ere,
planoetan agertzen ez diren desberdintasun txikiak daude dorreen artean,
batez ere lubakietan.
|