V dorrera iristeko, jarraitu IV dorretik abiatzen den bidean. Ondo
seinalatutako bi trikuharri txikitatik pasako zara (ez dira oso
ikusgarriak, adituentzat bakarrik). Jaizkibel III eta Jaizkibel IV izena
dute eta Jaizkibelgo estazio megalitikoaren parte dira. Estazio hori lau
trikuharriz eta harrespil batez osatuta dago. Dorretik gertu, bunker bat
ikusiko duzu (ikus P lerroa) eta indusketa batzuk gezileiho bateria gisa
(?).
|
Guadalupe dorrea (V dorrea)
Besteen aldean desberdintasun gehien dituena da. Jaizkibelen oinplano
karratua duen bakarra da (5,40 m-ko aldea). Behe solairuak ezponda txiki
bat du kanpoaldean, behealdean hormak lodiagoak direlako (90 cm)
goialdean baino (70 cm). Alde bakoitzean, gezileiho ireki bat du.
Lehen solairuak hiru gezileiho ditu alde bakoitzean, sarrera duen aldean
izan ezik. Azken horrek bi baino ez ditu.
Zabaltza ere desberdina zen besteen aldean, batik bat dokumentazio
historikoaren arabera fusileriako parapetoak alde bakoitzean sektore
amatakanatu bat zuelako. Sektore hauetako bakoitza horman euskarriak
zituzten gapirio indartuengatik sostengatua zegoen. Guztira, zabaltzako
parapetoaren alde bakoitzean sei gezileiho daude, horietatik bi gune
amatakanatuan.
|
Gogoratu dorre honi Erramutzko dorrea esaten zaiola euskaraz.
Kostaldera bistak ikusgarriak dira.
Matakan bat gezileiho modukoa da, baina fusilaren tiroa behera egitea
ahalbidetzen du, hau da, dorreko hormetatik oso gertu egon zitezkeen
etsaiei tiro egitea.
|
Guadalupe gotorleku aldera jarraitzeko, segi bidean. Ehunka metro
batzuen ondoren, aldapa handiko gune (jaitsiera) batera iritsiko zara. |
Eskurtsioaren aldaera bat
Eskurtsioaren aldaera bezala, V dorrea ez bisitatzea proposatzen da (edo
bisitatu eta errepidera bueltatzea). V dorretik Guadaluperako jaitsiera
oso gogorra da, baliteke hainbati ez gustatzea (batez ere proposatutako
norabidearen kontra egiten bada ibilbidea). Errepidetik eta V dorrea
bisitatu gabe egiten den ibilbidea 1.600 m luzeagoa da eta bista
kaskarragoak ditu.
|
|