|
|
|
4242 Zb Data: 2006-6- 5 Irudia: Alarde en San Marcial Legenda: Fiestas de San Pedro y San Marcial. Irún (Guipúzcoa) Beste legenda bat: Fiestas populares Imprimatzailearen datuak: M RCM-FNMT 2006 Prezioa: 0,29 € Imprimatzeko teknika: Sakongrabatua Hortzak: 13 ¾ Tirada: 600.000 Orria: 50 posta-seiluak
Irungo San Pedro eta San Martzial festetako ekitaldi nagusia, zalantzarik gabe, ekainaren 30ean egiten den Alardea da. Egun horretan, 8.000 pertsona inguru, hogei bat konpainiatan antolatuak eta guztiz uniformatuak, desfilean irteten dira, arma alarde foralak eta 1522ko ekainaren 30ean frantsesei irabazitako bataila gogoratzeko. Ospakizunetako asko San Martzial ermitan egiten dira, hiritik gertu dagoen izen bereko mendiaren tontorrean. Seiluko irudian Gaspar Montes Iturrioz (1901-1998) pintore irundarraren obra ikusten da, 1951eko festen kartel iragarlea ilustratzeko egin zena. Fusileriaren tiroak irudikatzen ditu, San Martzialeko zelaian, santuari eskainitako ermitaren parean.
4285 Zb. Data: 2006-11-23 Irudia: Retrato de Pío Baroja. Legenda: 50 aniversario de la muerte de Pío Baroja Inprimatzailearen datuak: M RCM-FNMT 2006 Precioa: 0,29 € Inprimatzeko teknika: Sakongrabatua Hortzak: 13 ¾ Tirada: 1.000.000
Pio Barojak dezente bidaiatu zuen, baina bizimodu monotonoa ere egiten zuen literaturari emana. 1912. urtean, Itzea etxea erosi zuen Beran (Nafarroa), atseden hartu eta sormen lanak egiteko. Real Academia de la Lengua-ko kide izendatu zuten 1935ean. Gerra Zibilean, Frantzian eman zuen urtebete erbesteraturik. Kalitate handiko nobela atsegin asko idatzi zituen, erabilitako hizkera argiagatik nabarmentzen direnak. Liburuak trilogiatan antolatu zituen. Adibidez, Tierra Vasca trilogia La casa de Aitzgorri, El mayorazgo de Labraz eta Zalacaín el aventurero nobelek osatzen dute. Las memorias de hombre de acción seriea ere idatzi zuen, Eugenio Avinaretaren inguruko hogeita bi liburukiz osatua.
Seilu orri honetan, lau seilu ikus daitezke, Cristobal Balenciaga Gipuzkoako jostun ospetsuak egindako lau diseinu erakusten dituztenak binaka elkarturik. (Harrigarria da jostunaren izenik ez agertzea seiluan.). Cristobal Balenciaga (Getaria, 1895 – Valentzia, 1972) 1916an hasi zen jostun profesional gisa lanean, goi mailako jantzigintzako tailer bat zabaldu zuenean Donostian. Bere diseinuekin lortutako arrakastari esker, tailer berriak muntatu zituen Madrilen (1932), Parisen (1937) eta Bartzelonan (1938), eta ospea lortu zuen nazioartean. Haren estiloa soila eta dotorea izan zen, luxurik gabea ia. Pret a porter sistemarentzat lanik ez egitea erabaki zuen, horrek bere diseinuen masifikazioa ekarriko zuelakoan. Getarian, haren jaioterrian, museo bat dauka.
N. 4425 Data: 2008-07-16 Irudia: Trainera. Inprimatzaileraren datuak: M RCM-FNMT 2008 Prezioa: 0,43 € Legenda: Regatas de traineras Inprimatzeko teknika: Huecograbado Hortzak: 13 ¾ Tirada: 500.000
Ez da lehenengo aldia trainerua postetxeko zigilu batean agertzen dena. 1976.urteko olinpiadak zirela eta, zigilu bati Orio ontziaren irudia jarri zioten, eta herriaren izena ere irakur zitekeen, ontziaren kaskoan. Irudi orokorra da, ziurrenik, eta ez du traineru jakinik irudikatu nahi; baina bere koloreak direla eta, Hondarribiko trainerua izan daiteke. Zigilua "joko eta kirol tradizionalei” buruzko serie batekoa da, eta zigilu bakoitzaren alboan bineta bat darama, bien artean irudi bakarra osatzeko. Serie horretan Euskal Herrian praktikatu ohi diren hainbat kirol irudikatu dituzte: euskal pilota, harri-jasotzea eta palanka jaurtiketa.
Xabi Alonso gipuzkoarra zirkunferentzian sartuta dago. N. 4429 Data: 2008-07-29 Irudia: baloia Imprimatzailearen datuak: M RCM-FNMT 2008 Prezioa: 1 € Legenda: Europa 2008 Inprimatzeko teknika: Huecograbado Hortzak: 13 ¾ x 14 Tirada: - Irudia: Selección Española de Fútbol.
Filatelian ohikoa den moduan, Espainiako Selekzioko kideak ez datoz zigiluan (Estatu buruei dagokie ohore hori, hil direnei, alegia), bai ordea bloke-zigiluarekin batera doan orrian, Espainiako Selekzioaren argazkian. UEFAko (Eurokopako) Europako Futbol Txapelketaren amaierako partidua Vienako Happel estadioan jokatu zuten, Alemania selekzioaren aurka, eta 1-0 irabazi zuten, Torres jokalariak sartutako golarekin. Donostiako Errealeko harrobitik datorren Xabi Alonso jokalariak talde horretan jokatu zuen 1999 eta 2004 urteen artean; gero, Liverpool-era joan zen (2004-2009) eta, Real Madrid-en dago gaur egun (2009- ).
N. 4483 Data: 2009-04-15 Irudia: Fotografía del Faro de Igueldo (Igeldo) en San Sebastián. Imprimatzailearen datuak: Faros. Puertos del Estado. M RCM-FNMT 2009 Prezioa: 0,62 € Legenda: Faro de Igeldo. Guipúzcoa. Inprimatzeko teknika: Huecograbado Hortzak: 13 ¾ Tirada: 350.000 (Hojas Bloque) Oharrak: En hoja bloque con otros 5 valores que representan diversos faros. Orriako legenda: Faros 2009
Igeldoko lehenengo faroa XVIII. mendekoa da. Kontxako badiara begira, izen bereko mendi gailurrean dago, Donostian. Faroa harlanduzko dorrean zegoen. Lehenengo Karlistadan (XIX. mendeko lehenengo hiru hamarkadetan) “de la farola” izeneko gotorlekuan sartu zuten faroa. XX. mende hasieran aldatu egin zuten, eta hasierako itsas irudia aldatu zuten dorretxoak erantsi zitzaizkion; hala, Igeldo Mendiko jolas-parke zaharkituko dibertsioetako bat bihurtu zen.
Gaur egungo faroa mendiaren hegal-erdian dago, 1855. urtean inauguratu zen
eta zigiluan irudikatuta dator. 26 itsas miliako irismena du, solairu
angeluzuzeneko oin-zola eta bi solairu ditu, eta itsasorantz aurrerago
dagoen alderdian 14 metroko dorrea du; dorre horretan dago faroaren
kupula.
N. 4504 Data: 2009-09-07 Irudia: Futbolista y escudo del equipo. Inprimatzailearen datuak: Deportes. M RCM-FNMT 2009 Prezioa: 0,32 € Legenda: Real Sociedad de Futbol. Real 100. 1909-2009. Inprimatzeko teknika: Ofsset Hortzak: 13 ¾ Tirada: 340.000 Orria: 50
Aurreikusi gabeko zigilua. 2009. urteko filatelia-emanaldien urteko programa diseinatu zutenek ez zuten aintzat hartu Errealak- klasikoetako bat izendatu genezakeen taldeetako batek - 100 urte betetzen zituela. Zorionez, kexak egon ziren, eta bat-batean, zigilu hau igorri zuten. Errealaren egoera (bigarren mailan zegoen) ez zen ospatzekoa, baina, gutxienez, bere antzinatasuna jasota geratuko da. 1909. urtean sortu zen, Foot-ball Club txirrindularitza taldeko hiru disidenteen eskutik, Sociedad de Foot-ball izenpean (hurrengo urtean “Real” izena hartu zuen). 1931 eta 1939 urteen arten taldeak Donostia Foot-ball Club izen errepublikanoa hartu zuen. Bere garaipen-zerrendan daude Ligako hainbat titulu (1981 eta 1982), Errege Kopa (1987) eta Superkopa (1983); 1992. urtean, legearen eskakizunez, Sociedad Anónima Deportiva bihurtu zen, eta 20.000 bazkide baino gehiago eta mota askotako kirol sekzio zituen. Hirurogeita hamargarren hamarkadatik, Zubietan daude Errealaren entrenamendurako instalazioak, Atotxaren ordezko futbol-zelaia eraikitzeko alferrikako saiakeraren ondorio gisa.
N. 4512 Data: 2009-10-6 Irudia:Grabado de la isla de los faisanes en el Bidasoa Inprimatzailearen informazioa: RCM FNMT 09 Prezioa: 2,47 € Legenda: Exfilna 2009. Legendako orria: Grabado: lisle de la conference Inprimatzeko Teknika:Huecograbado. Hortzak: 13 ¾ Tirada: 300.000 Bojas-bloque Legendako orria:XLV Exposición filatélica Nacional. Irún del 6 al 12 de octubre de 2009
Bidasoako Filatelia Elkartearen eskutik, Filatelia Erakusketa Nazionalaren 47. edizioa egin zuten, Irungo FICOBAko bi pabiloietan, 2009ko urriaren 6tik 12ra. Ohikoa den legez. Ekitaldia ospatzeko, bloke-orria igorri zuten, 2,47 euroko zigiluarekin (kontsumo filatelikorako, hain zuzen); bertan, Konferentziaren (edo faisaien) irlaren grabatua irudikatzen da, Bidasoa ibaiak nazioarteko muga egiten duen tokian.
Zabalduta: Xabi Alonso gipuzkoarra N. 4601 Data: 2010-10-21 Irudia: Trofeo Inprimatzailearen Informazioa: RCM FNMT 10 Prezioa: 2 € Legenda: Campeona de la copa mundial de la FIFA. 2010 Inprimatzeko Teknika:Huecograbado e impresión en oro con relieve Hortzak: 13 ¾ (vertical) y 13 1/4 (horizontal). Tirada: 310.000. Orriako Legenda: España !Campeona! Orriako irudiak: Selección nacional, esfera terrestres, logo del Campeonato, bandera española y cornamusa de Correos. Orriako zenbakia: Bai
Espainiako futbol selekzioak FIFAren Munduko Kopa irabazi zuen 2010ean. Xabi Alonso jokalariak partidua jokatu zuen, 14 zenbakiarekin. Ez zuen golik sartu Hegoafrikan, baina bere jokoari esker selekzioak garaipena lortu zuen.
|
