3120 Zb

Data: 1991-6-6

Irudia: Alegoría de San Ignacio de Loyola

Inprimatzailearen datuak: San Ignacio de Loyola S. Martín M FNMT 1991

Prezioa: 25 pta.

Inprimatzeko teknika: offset

Hortzak: 13 3/4

Tirada: 4.000.000

Oria: 50 posta-seiluak

Seriea: Centenarios; 4 p-s.

San Ignazio Loiolakoaren alegoria, Sigfrido Martín Begué-k diseinatua. Seiluak Jesusen Konpainiarekin loturiko elementu batzuk erakusten ditu. Haien artean, Ad Maiorem Dei Gloriam latinezko inskripzioa daraman oihalezko banda nabarmentzen da.

IHS monogramak ere toki nabarmena hartzen du seiluan; letra horiek hain zuzen Jesukristoren izenari dagozkio.

Elizgizonek erabili ohi duten bonetea ikus daiteke irudiaren ezkerreko angeluan. Eta goiko eskuineko angeluan, berriz, hodei artean, begi bat ikusten da, nonbait modu surrealista batean adierazi nahi duena Jainkoa hor dagoela guri begira. Hondoan, Loiolako Basilikaren kupula ikus daiteke, San Ignazioren jaiotetxeko lursailetan eraikia. Azpialdean, San Ignazioren sinadura ageri da.

Sigfrido Martín Begué (Madril, 1959) arkitektoa, diseinatzailea eta pintorea da. Haren obra figurazioaren barruan garatzen da, erreferentzia asko egiten baititu arkitekturari, mitologiari eta metafisikari buruz. Ohikoa da haren lanetan giro surrealista eta onirikoa duten fikziozko paisaiak agertzea, batzuetan izaki fantastikoz beteak.

1992. urtean, Madril kulturaren Europako hiriburua izan zen. Gertakari hura ospatzeko, seilu serie bat egin zen 1991. urtean, Jose Maria Lazcano (Bergara, 1960) artista gipuzkoarraren lanek osatua. Irudiak urre koloreko marko obalatu edo zirkulu erdiaren formakoen barruan ageri dira. Prezioan bost pezetako tasa berezia gehitu zen, kulturaren hiriburua izateak ekarri zituen gastuak kitatzen laguntzeko.

Seilurik handienean Madrileko Toledo kalean dagoen San Isidro institutuko klaustroaren irudia ikus daiteke. Eraikin honek historia luzea dauka, irakaskuntza instituzio garrantzitsuenen egoitza izan baitzen garai batean: Colegio Imperial. Beste hiru seiluek irudi hauek erakusten dituzte: Apoloren Iturria, Don Alvaro Bazán-en estatua eta Espainiako Bankuaren aurrealdea.