Aberriaren aldeko  gain-estanpazioak Donostian ("patrióticos")

Tropa matxinatuek herriak menpean hartzen zituzten heinean, filateliaren merkatuan gain-estanpazioak hasi ziren agertzen hainbat seilutan, erregimen militar berria eta haren buruzagiak goraipatzen zituztenak.

Nahiko frogaturik dago gain-estanpazio horiek espekulazioak eragin zituela. Oro har, Erregimen berriaren jarraitzaileek eginarazi zituzten agintarien baimena lortu eta gero (baimena emateko aginpiderik ez bazuten ere). Seilu-orriak erosten zituzten aurrealdean ageri zen balioaren truke, eta aberriaren aldeko leloak gain-estanpaturik, filatelia-merkatuan sartzen saiatzen ziren prezioa igo ondoren. Gain-estanpazioa inprimatzeko orduan, ahaleginak egiten zituzten hainbat aldaera egiteko, zein baino zein “baliotsuagoa”.

Orrialde honen gainaldean, Donostian egindako sei gain-estanpazio ageri dira; guztira 67 egin ziren zortzi serietan antolatuak.

Euskal Herriko beste hiri batzuetan ere (Arrasate, Gasteiz, Bilbo, Durango) antzeko prozesuak gertatu ziren.

Donostia (1936)

Donostia: "Correo Rápido Especial San Sebastián Madrid F. E. de la JONS" (1936)