VENTURA RODRIGUEZ

“Soreasuko Sebastian donearen elizaren ataria. Azpeitia”

Soreasuko Sebastian donearen eliza honek jatorri tenplarioa du, seguruenik. Hasiera batean, ate platereskoa zuen, eta aurrerago, atari bat gehitu zitzaion, Ventura Rodriguez arkitektoak diseinatua eta Francisco de Iberok egina. Garaipen-arku erromatarra gogorarazten du. Hiru bao dauzka; erdikoa da handiena, eta bi pare zutabe toskar dauzka alboetan, frontoi batek errematatuak. Frontoiaren gainean, San Sebastianen martirioaren irudia dago. Multzo osoaren gainean, balaustrada bat dago, pinakuluz apaindua.

Argazkia: JAS, 2005

Tokia: Azpeitia