DOMINGO
AGIRREBENGOA
“Postetxea
(Arte eta Ofizioen Eskola)”
Jatorrizko
Arte eta Ofizioen Eskola Andia/Garibai kaleen kantoian egon zen.
Diseinua Goikoaren obra izan zen (1873), etxe haren berezitasunik
aipagarriena: fatxadaren goialdean zituen bustoak.
Eskola
berria eraiki zenean, Postetxearen egoitza jarri zen etxe zaharrean. Eta
1960. hamarkadan eraitsi zenean, orubea Gipuzkoako Kutxaren egoitzaren
zati izatera pasatu zen. Aurrerago, Postetxearen behin betiko egoitza
bihurtu zen.
Koldo
Mitxelena kulturuneak eta Arte eta Ofizioen
Eskolak Artzain Onaren plaza ixten dute hegoaldetik. Proiektu originala
—estilo eklektikoa duena— Domingo Agirrebengoak egin zuen; 1909. urtean
amaitu zen eraikuntza. Harlanduzko fatxadan, bigarren solairuan dagoen
zeramikazko frisoa aipatu behar da, Daniel Zuloagak egina. Arte eta
Ofizioen Eskolaren egoitza izan zen garaian bertan, Udal Liburutegia eta
Museoa ere eraikin honetan egon ziren, eta aurrerago, San Telmo museora
eraman ziren.
Arte eta
Ofizioen Eskola izateari utzi zionean, Merkataritza eta Lanaren Eskola
izateko gaitu zen (1945-1959). Baina 1960. hamarkadan, barrualdea erabat
berritu eta Postetxearen bulego nagusiak jarri ziren. 2004. urtean,
aldaketa sakona jasan zuen, baina fatxada errespetatu egin zen.
Argazkia:
JAS, 2005
Tokia:
Donostia
|