JOSE MANUEL AIZPURUA
JOAQUIN LABAYEN
“Donostiako Klub Nautikoa”
Klub Nautikoaren eraikina arrazionalismoaren adibiderik esanguratsuenetako bat
da. Jose Manuel Aizpuruak eta Joaquin Labayenek eraiki zuten, 1929. urtean.
Kaiaren inguruan dago. Amaiera ematen dio Kontxako pasealekuari, eta kostaldeko
murruari atxikia dago. Ontzigintza-arkitekturan inspiraturik dago, kaian
ainguratutako ontzi baten antz-irudira egina baitago. Oso ongi konbinatzen da
gertu daukan Kasino Handiarekin (Udaletxea); izan ere, kasinoa monumentua
izateko diseinatu zen, eta beste egoera batean arazoak sortuko lirateke, bi
eraikinen lengoaiak eta eskalak oso ezberdinak baitira.
Klub Nautikoa egitean, lehendik toki berean zegoen eraikina integratu zen
eraikuntzan, gaur egun beheko solairuaren zati bat dena. Hasierako eraikinak
kaobaz xaflatutako estalki bat zeukan (“La Bombonera”), terraza moduan
erabiltzen zena, eta haren gainean, zurezko eraikin txiki bat zegoen, etxearen
lehen solairuan integraturik geratu dena. Gaur egun, jatorrizko proiektuaren
ondoren egindako zabaltze-obra batzuk ikus daitezke, eraikina izugarri
itxuraldatu dutenak.
Argazkia: JAS, 2005
Tokia: Kontxako pasealekua. Donostia.
|