“Karlos V.aren jauregia”. Hondarribia
Gaur egun, patio karratu bat du erdigunean, eta patio horren inguruan
antolatzen ziren XVIII. mendean gazteluko gobernadorearen eta haren
laguntzaileen logelak. Oraindik ere kontserbatzen dira alboetara zeuden
Erdi Aroko dorre zirkularren aztarna batzuk.
Eraikina osatu egin zen jauregia eginez geroztik gauzatu ziren handitze-lan
batzuen ondorioz. Garrantzitsuena Karlos V.ak egin zuen: fatxada nagusia
Arma plaza aldera bideratu zuen. XVIII. mendean, eraikinaren alde honetan
zeuden bost solairuak kuartel gisa erabili ziren: 850 soldadu sartzen
ziren, eta artilleri bateria bat jarri zuten zabaltzan, estalki baten
azpian.
Artilleria parkea deiturikoa solairu bakarreko eraikin erantsia zen: L
forma zuen; bolbora gordetzeko biltegi bat zeukan, bonben kontra babestua;
patio bat eta espazio bat lurrazpian.
Frantziako armadak gazteluaren zati handi bat suntsitu zuen, 1794. urtean,
eta XX. mendearen hasieran enkantean jarri zen oso hondaturik. Geroztik
jabego pribatuan egon zen, 1928. urtera arte. Urte hartan, Udalaren
ondasuna izatera pasatu zen. 1968. urtean, birgaitu eta Turismo Paradore
bat ezarri zen, eta gaur egun ere funtzio hori betetzen du.
Argazkia: JAS, 2005
Tokia: Arma plaza. Hondarribia.
|