KONTXAKO ONDARTZA

Kaiaren eta “Loretopearen” artean dagoen Conchako badiaren sektorea hartzen du, Ondarretako hondartzarekin lotzen dena. Hiri barruko hondartza da eta bainu denboraldian (ekainetik irailera) zehar era guztietako zerbitzuak eskaintzen dira bertan. 1.400 metroko luzera du eta bere zabalera aldatu egiten da marearen arabera. Baldintza normaletan, bertan bainua hartzea segurua da, itsaso zabaletik Igeldo mendiak (mendebaldean), Urgull mendiak (ekialdean) eta Santa Klara irlak (iparraldean) babesten baitute.

Bainu zale asko joaten dira bertara eta itsasgoretan bete-beteta egoten da. Gaur egun ikus daitekeen hondartzaren eta hiriaren arteko gainjartzea, 1908. urtean egituratu zuen Juan Rafael Alday arkitektoak, arkitekto honek hondartza betetzen zuten antzinako gurdiak ordezkatzen zituen kabina irekiak zituen hegada baten inguruan egituratu zuen hondartza. Aipatutako hegada zutabez sostengatzen da eta harrizko idulkiz sostengatutako baranda batez mugatua. Horrela eratutako pasealekua, arrapala, eskailera eta farola monumental ugariz hornitzen da.

Hondartzaren mendebaldean Real Club Nautiko delako lan arrazionalista bikaina nabarmentzen da (José Manuel Aizpurua eta Joaquín Labayen, 1929) eta ekialdean “La Perla del Océano” bainuetxea (Ramón de Cortazar 1911, 1993. urtean Joaquín Zubiríak berritua), Bainuaren Erret Etxola ( Ramón de Cortazar 1910) eta Eduardo Chillidaren "Homenaje a Fleming" eskultura kokatzen den terraza bat nabarmentzen dira.

Argazkia: JAS,  2006

Kokapena: Donostia-San Sebastián.