HONDARRIBIAKO
HONDARTZA
Hondarribiko jatorrizko hondartza Magdalenako areatzekin identifikatzen da –Bidasoako
itsasoratze gunean dauden beste areatza zonalde batzuekin batera-, zeina gaur
egun, Marina auzoa (garai bateko Arrantzaleen auzoa) dagoen lekuan kokatzen den.
Hondartza desagerrarazi zuen XX. mende hasieran garatu zen hirigintza prozesu
baten ondoren, Ramón Iribarren ingeniariak 1946. urtean dike bat diseinatu zuen,
dike honek Hendaian eraiki zen beste dike paralelo batekin batera, bi herrietan
hondartzak sorrarazteko balioko zuen.
Hondarribiko hondartza Iribarrenek eraikitako kai-muturraren eta Jaizkibel
mendiaren artean hedatu zen, kostaldeko 700 metro lerro zituen eta zabalera
izugarria, zeinak neurri handi batean ez zuen erabilerarik, izan ere, bainu
zaleek uraren gertutasuna bilatzen zuten. 1990ko hamarkadan areatzaren zati bat
aprobetxatzea pentsatu zen, bertan udal kiroldegia eta kirol-portu bat ezartzeko
(2000. urtean inauguratu zena), eta hondartza itsasotik gertuen zegoen sektorean
geratu zen.
Argazkia: JAS,
2006
Kokapena:
Hondarribia.
|