MUTRIKUKO HONDARTZA

Mutrikuko kaiaren kanpoaldeko kai-muturraren babesean kokatuta dago (Alberto Machimbarrenak 1902an gauzatu zuen proiektua), hori dela eta, Portuko hondartza izenarekin ezagutzen da. 1930. urteko planotan ez da ageri eta oso hondar gutxi ageri da 1954. urtean airetik ateratako argazkietan.

140 metroko luzera du erdi-herri hondartza honek eta bainu denboraldian zainketa eta ohiko hondartza zerbitzuak eskaintzen dira. 2006. urtean arrantza-dartsena eraiki zenean eragin nabarmenak izan zituen hondartzarengan.

Argazkia: JAS,  2005

Kokapena: Mutriku.