GureGipuzkoa.net |
Pulse aquí para ampliar la imagen. © CC BY-SA:
KUTXA FOTOTEKA. FONDO MARIN. PASCUAL MARIN
Segizioa (1930)
Zalgurdi ikusgarria dugu hemen, erabat beltza. Egurrezko errezelaren
dekorazioan, nabarmena da garezur beldurgarria. Bi zaldi ari dira
gurdiari tiraka, eta dotore jantzitako gurtzainak gidatzen du, eskuan
kapela luzea daramala. Hildakoaren senide hurbilak zalgurdiarekin batera
doaz, gurditik ateratzen diren zinta beltz zabal batzuek oratuta.
Argazkiko segizioa geldirik dago Zurriolako zubiaren irteeran, Ramon
Maria Lili pasealekuan sartzeko prest.
GureGipuzkoa.net |
Pulse aquí para ampliar la imagen © CC BY-SA:
KUTXA FOTOTEKA. FONDO MARIN. PASCUAL MARIN
Neskato baten gorpuaren segizioa (1942)
Harrigarria da neskato baten hilkutxa ikustea bi
zaldiek gidatutako zalgurdi zuriaren gainean, eta harekin batera, neska
taldea doa, loreak eskuan dituztela. Argazkia Argentinar Errepublikaren
Pasealekuan hartu zen, Santa Katalina plazaren parean.
GureGipuzkoa.net |
Pulse aquí para ampliar la imagen. © CC BY-SA:
KUTXA FOTOTEKA. FONDO FOTO CAR. RICARDO MARTIN
Jose María Usandizagaren gorpuaren segizioa (1915)
Hiriak biziki estimatzen zuen José María Usandizaga
musikaria (1887-1915). Gazte hil zen arren, obra sinfoniko eta ganberako
obra ugari idatzi zituen, baita zarzuelak ere, hala nola, Mendi-Mendiyan
eta Las Golondrinas.
Betiko atsedenerako hileta-elizkizuna 1915eko
urriaren 6an izan zen, hil osteko egunean, Santa Maria elizan. Hiletara
bertaratu ziren Gasteizko eta Ciudad Realeko gotzainak, erreginaren
ordezkari bat, eta hiriko erakunde kulturaletako autoritateak eta
zuzendariak. Donostiako Orfeoiak Perosiren Gran Misa eta Esnaolaren Dies
Irae interpretatu zituen. Hileta-elizkizunaren ostean, jende mordoa joan
zen hildakoaren etxera, Garibai kalean kokatua. Gorpua prozesioan eraman
zuten bertatik, milaka pertsonek jarraituta, eta, autoritateez gain,
Donostiako Orfeoiak eta Udaleko Bandak parte hartu zuten. Azken horrek
hileta-martxak eta Mendi-Mendiyan obraren Ave María interpretatu zituen.
Argazkian ikus daiteke orkestra "Las Golondrinas"
obraren hirugarren ekitaldiaren preludioa interpretatzen ari dela
Victoria Eugenia antzokiko atean, musikagilearen hilkutxaren aurrean.
Nabarmentzekoak dira ateetako oihal zintzilikariak eta "Lion d'or”
kafetegiko kartela. Izan ere, kafetegia itxi ostean, Ikuskizun eta
Turismo Zentroko bulegoak egon ziren bertan urte askotan, eta, egun,
antzokiko leihatilak daude aurki ditzakegu.
GureGipuzkoa.net |
Pulse aquí para ampliar la imagen. © CC BY-SA:
KUTXA FOTOTEKA. FONDO MARIN. PACO MARI
Astigarraga (1952)
Donostiako Udaltzaingo buruaren gorpuaren segizioa,
orduan Donostiako auzo zen Astigarragako kaleetan barrena. Hildakoa
Antonio Almandoz jauna izango da ziurrenik, Arrobitzulo baserrian bizi
zena, Astigarragan. Donostiako lau udaltzainek hilkutxa daramate
bizkarrean. Eskuinean, bi udaltzainek eta basozain batek hilkutxari
lotutako zinta beltzak eusten dituzte. Ezkerrean, berokiz eta gorbataz
jantzitako gizon batek zintetako bat darama. Javier Saldaña falangista
da, hiriburuko alkatea(1949-1952).
Segiziora udaltzain, basozain eta merkataritza-gauzain
ugari bertaratu ziren. Azken horiek lore-koroa zeramaten, eta zintan
"los serenos de comercio a su jefe" irakur zitekeen.
|