FRANCO VISITA TOLOSA (1948)

 | GureGipuzkoa.net © CC BY-SA: Fondo Foto Car. Vicente Martín

1948ko abuztuaren 24ko arratsaldean, Tolosara etorri zen bisitan Franco jenerala, Burgostik, nekazaritza eta abeltzaintzako lehenengo lehiaketaren inaugurazioan parte hartzeko, Igarondo Zumardi Handian. Bertan, bostehun abelburu inguru pilatu zen, eta Gipuzkoako nekazaritza-ekoizpenaren adibide ezberdinak ikus zitezkeen.

Franco jarraigo osoarekin iritsi zen orduko Eskolapioen plazan zegoen tribunara, bandera espainiarrekin eta sinbolo Falangistekin eta tradizionalistekin apainduta zegoena. Halaber, kuriosoa bada ere, haren parean "Gipuzkoako Nekazari Anaitasunak Francorekin" zioen pankarta irakur zitekeen. Haren inguruan Colon batailoiaren tropak bildu ziren, ohoreak eginaz, baita gazte falangistak ere, uniformea jantzirik.

Fermín Sanz-Orrio sindikatuen ordezkari nazionalaren (argazkian) hitzak entzun eta gero, Gipuzkoako nekazarien eta abeltzainen ermandade sindikalen izenean, ermandadearen Gizon Handiaren titulua eman zioten. Bi karrozek desfilatu zuten; haietako batean baserri bat ikus zitekeen, eta baita abelburuen irudikapen bat ere, beren jabeekin batera (ordubete iraun zuen, eta amaieran, Franco Donostiara joan zen, oporraldiei hasiera emateko).