|
|
|
ATM 1 Data: 2002 urria Irudia: Detalle de la fachada de la oficina central de Correos en San Sebastián Legenda: Posta arkitektura. Donostia-San Sebastián Inprimatzeko teknika: offset Tirada: 50.281.000
Lerro hauen gainean jarri dugun seilua ez da ohikoa, zigilu-marka berezia baita, ATM izenez ere ezagutua. Izen hori hitz aleman batetik dator: AuTomatenMarken, eta “makina automatikoaren seilua” esan nahi du. ATMa (47x27 mm) etiketa auto-itsasgarria da, irudia oro har offset metodoarekin inprimaturik duena. Espazio zuriak ere uzten zaizkio, prezioa inprimatzeko eta makina saltzaileek edo balantzek bestelako argibideak aditzera emateko. Lehen ATMak 1969. urtean azaldu ziren, eta 2006an egin ziren lehen saioak Gipuzkoan halako seiluak egiteari uzteko. Irudian, lehen zigilu-markaren erreprodukzioa ikus daiteke, euskaraz idatzitako legenda bat jasotzen duena. Donostiako Postetxeko bulego nagusiaren aurrealdearen detaile bat irudikatzen du, eta posta-arkitekturari eskainitako serie baten parte da. Hasierako proiektua —estilo eklektikoa duena— Domingo Agirrebengoaren obra izan zen (1909). Harlanduzko paretan, bigarren solairuan jarritako zeramikazko frisoa aipatu behar da, Daniel Zuloaga (Ignazio Zuloagaren osaba) zeramistak egina. Irudian garbi ikusten da, leiho bati dagokion frontoiarekin batera. Etxea, hasiera batean, Arte eta Ofizio Eskolaren egoitza izateko eraiki zen. Merkataritza Eskola ere bertan egon zen. Baina, 1960. hamarkadan, erabat zaharberritu zen barrualdetik, eta Postetxeko bulego nagusiak hartu zituen.
ATM 2 Data: 2003-12-15 Irudia: Automóvil Donosti Legenda: Donosti 1928 Beste legenda bat: Museo Historia Automoción – Salamanca OBeste legenda bat: Colección J. M. Echevarria Inprimatzeko teknika: offset
ATM bineta horrek “Donosti” izeneko autoa irudikatzen du. Istorio xumea du.
Donostiako Garaje Internacionalaren jabeek —Mendiburu eta Mañero— erabaki
zuten, 1924. urtean, auto bat eraikiko zutela oso-osorik. Urte hartako
uztailaren 25ean aurkeztu zen jendaurrera, Lasarteko Sari Nagusian. |
