SARRERA
Liburu elektroniko honek argibideak eman nahi ditu Gipuzkoako lurralde
historikoarekin nolabaiteko harremana duten seiluen zein bestelako frankeo-moduen
inguruan. Batez ere, lurraldearen geografiari, historiari eta arteari
erreparatuko diegu, eta seiluekin erlazionaturiko kontzeptuen gainean ere
jardungo dugu.
Azalpenak emateko, kronologikoki egituratu ditugu seiluak eta bost
urteko taldeetan banatu, nabigazioa errazteko asmoz. Aldi berean, talde
bakoitzean unitateak bereizi ditugu, (normalean) seilu beraren ingurukoak
direnak. Unitateek hiru elementu hauek dituzte: irudia, deskribapen
teknikoa eta iruzkina.
|