Gain-estanpazioak errepublika garaian, Tolosan
Gain-estanpazioa testuak edo zeinuak inprimatzea da lehendik inprimaturik
zeuden seilu-orrien gainean.
Arrazoi ugari daude seiluak gain-estanpatzeko. Hauek dira aipagarrienak:
seiluaren aurrealdean agertzen den balioa aldatzea, seiluak prestatu nahi
izatea beste lurralde batzuetan zirkula dezaten (lurralde kolonialetan,
esate baterako), edo gure kasuan bezala, seiluak egokitu behar izatea
beste egoera politiko batera (adibidean, “República” inprimatu da errege
baten irudiaren gainean), eta abar.
Almerian, Bartzelonan, Madrilen, Valentzian eta Tolosan gain-estanpazio
batzuk egin ziren; baina ekimen pribatuaren fruitua izan zirenez, ez dira
jaulkipen ofizialtzat hartzen.
Tolosako gain-estanpazioak eragina izan zuen Vaquer eta Vaquer perfil
motako seiluen balorean; Vaquer izena hartzen dute grabatzailearen izena
seiluaren azpialdean idatzita ageri delako. Bi serie horiek labur iraun
zuten frankeo-adierazle gisa, 1931ko apirilaren 21etik 25era bakarrik.
|